Prefektja e Qarkut Elbasan Majlinda Perriu priti në një takim në selinë e institucionit që kryeson zv.presidenten e Bullgarisë, Iliana Lotova.Takimi u zhvillua në kuadër të vizitës dy ditore së zv. presidentes në Shqipëri,në një vit që përkon me 110-vjetorin e vendosjes së marrëdhënieve diplomatike mes Shqipërisë dhe Bullgarisë.
Duke vlerësuar vizitën e zyrtares së lartë, si një ngjarje të rëndesishme për institucionin e Prefektit, Znj Perriu bëri një prezantim të shkurtër rreth potencialeve që ofron qarku i Elbasanit, në arsim, kulturë, ekonomi, turizëm etj.
Në fjalën e saj Prefektja evidentoi faktin se dy popujt tanë i lidh e kaluara historike,duke evidentuar mbeshtetjen që shteti bullgar i ka dhene diaspores dhe shoqatave patriotike shqiptare per botimin e librave ne gjuhen shqipe dhe e tashmja permes ekzistences se pakices bullgare ne Elbasan.
Gjithashtu mes dy përfaqësueseve të larta të qeverive biseda u përqendrua rreth thellimit të mardhënieve ndërmjet dy vendeve tona në fushën e aktiviteteve kulturore të përbashkëta, siç janë festivalet folklorike, por jo vetëm.
Nga ana e saj zv.presidentja theksoi rëndësinë që ka censusi i popullsisë edhe për regjistrimin e pakicës bullgare.
“Procesi në vendin tonë konsiderohet i një rëndësie të veçantë , për shkak se do të jetë hera e parë që bullgarët që jetojnë në Shqipëri do të identifikohen si minoritarë”-citoi Lotova.
Znj.Lotova diskutoi edhe rreth bashkëpunimit me universitetin e Sofjes për hapjen e qendrave kërkimore.
Gjatë vizitës në Shqipëri, zëvendëspresidentja bullgare vizitoi zonat ku jeton minoriteti bullgar, vizitoi shkollën bullgare në Elbasan si dhe u takua me zyrtarë të lartë, përfshirë presidentin Bajram Begaj.
Infoweb Media!
