Ish ministri i Drejtësisë, Ylli Manjani në një postim në rrjetin e tij social, ka publikuar një foto që i është dëguar nga qendra e vaksinimit në Vlorë. Fotoja e publikuar tregon se vaksina është e skaduar që në datën 6 Prill.
Manjani u ka bërë thirrje, gazetarëve dhe prokurorit të Vlorës që t’a verifikojnë këtë gjë, duke e konsideruar injektimin e kësaj vaksine tepër të rrezikshëm.
”Nëse është kështu, siç tregon foto, vaksina është qartësisht e skaduar. Injektimi i kësaj vaksine në trup është minimalisht i paefektshëm, maksimalisht i rrezikshëm. I lutem cilitdo gazetar ta verifikojë këtë gjë.
Njëkohësisht prokurorit të Vlorës, i lutem ta verifikojë këtë gjë”– shkruan Manjani.
Gjithashtu Manjani u ka bërë thirrje të gjithë institucioneve publike që të kryejnë verifikimet e nevojshme, të ndalojë këtë poshtërsi dhe të ndëshkojnë personat përgjegjës.
”Pavarësisht skepticizmit tim personal mbi vaksinën, lutem të mos jetë e vërtetë që njerëzve u injektojnë vaksina të skaduara! Po institucionet publike duhet të marrin përgjegjësinë ligjore ta verifikojnë e nëse del e vërtetë ta ndalojnë këtë poshtërsi e të ndëshkojnë përgjegjësit”- përfundoi ai.
Postimi i Plotë
Dikush sapo më solli këtë foto, që më përshkruan se është bërë sot tek qendra e vaksinimit në Vlorë.
Nëse është kështu, siç tregon foto, vaksina është qartësisht e skaduar. Injektimi i kësaj vaksine në trup është minimalisht i paefektshëm, maksimalisht i rrezikshëm.
I lutem cilitdo gazetar ta verifikojë këtë gjë.
Njëkohësisht prokurorit të Vlorës, i lutem ta verifikojë këtë gjë.
Pavarësisht skepticizmit tim personal mbi vaksinën, lutem të mos jetë e vërtetë që njerëzve u injektojnë vaksina të skaduara!
Po institucionet publike duhet të marrin përgjegjësinë ligjore ta verifikojnë e nëse del e vërtetë ta ndalojnë këtë poshtërsi e të ndëshkojnë përgjegjësit.
