Në 24 orët e fundit, Kosova ka regjistruar 153 raste të reja nga 2,784 teste të kryera dhe vetëm një humbje jete. Autoritetet e Shëndetit në vend bënë të ditur se jetën si pasojë e sëmundjes e humbi një 47-vjeçar nga komuna e Mitrovicës.
Numri total i rasteve pozitive është 106,345 nga 552,070 persona të dyshimtë në virusin SARS-CoV-2 dhe 2.203 raste të vdekjes.
Po ashtu, gjatë 24 orëve të fundit, janë shëruar 327 pacientë derisa numri i përgjithshëm i të shëruarve deri më sot është gjithsej 97,384 raste, kurse numri i rasteve aktive është 6,758.
Rastet pozitive janë nga komunat: Prishtinë 29 raste, Ferizaj 16 raste, Podujevë 16 raste, Gjakovë 15 raste, Mitrovicë 12 raste, Prizren 10 raste, Gjilan 6 raste, Skenderaj 6 raste, Pejë 5 raste, Vushtrri 5 raste. Drenas 4 raste, Istog 4 raste, Lipjan 4 raste, Obiliq 4 raste, Suharekë 3 raste, Viti 3 raste. Fushë-Kosovë 2 raste, Klinë 2 raste, Malishevë 2 raste, Rahovec 2 raste dhe me nga një rast komunat: Kaçanik, Mamushë dhe Novobërdë.
