Presidenti i Republikës ShTZ Ilir Meta i ka dhënë titullin e lartë Engjëll Daklit, një prej figurave më të shquara të qytetit të Elbasanit.
Në ceremoninë e zhvilluar me këtë rast merrte pjesë bashkëshortja, Ortenca Dakli, familjarë, miq e të ftuar të tjerë.
Titulli iu dorëzua bashkëshortes, Ortenca Dakli.
Në një postim në faqen e tij në Facebook, Presidenti Meta shprehet se:
‘Në 1-vjetorin e ndarjes së parakohshme nga jeta, pata sot nderin të vlerësoj me Titullin e lartë “Mjeshtër i Madh”, ish-deputetin, ish-ministrin e Punës dhe ish-kryebashkiakun e paharruar të Elbasanit, Engjëll Dakli, që me aq pasion dhe përkushtim punoi për modernizimin e qeverisjes vendore të qytetit të tij të lindjes.
Përfaqësues dinjitoz i një familjeje fisnike me tradita qytetare dhe demokratike, Engjëll Dakli do të kujtohet përherë me nder, respekt e mirënjohje, si një qytetar model dhe i përkushtuar, intelektual kalibri, pedagog i shkëlqyer dhe mbi të gjitha si një nëpunës i ndershëm i shtetit, shembull frymëzimi për politikanët dhe zyrtarët e administratës së gjeneratave të reja.’
