Të tjera detaje dalin në dritë në lidhje me ngjarjen e rëndë në Korçë, ku një grua futi fëmijën e saj në valixhe, duke e lënë aty për ditë më radhë.
Burime bëjnë me dije se 40-vjeçarja V.Hasimllari është dërguar nga ana e drejtorisë së shëndetit mendor të Korçës drejt spitalit psikiatrik të Elbasanit pasi gjendja e saj paraqitet tejet e rënduar aq sa edhe grupi i hetimit e ka krejt të pamundur për ta marrë në pyetje për të gjitha rrethanat e ngjarjes.
Ngjarja e rëndë u bë publike ditën e djeshme, ndërsa mësohet se gruaja ka qenë në gjendje të rënduar psikologjike.
Sipas mjekes të marrë dje në pyetje, u shpreh se nëna kishte humbur lidhjen me realitetin dhe se vuante nga ç’rregullimet psikotike.
Familjarët e gruas kanë mohuar në polici të kenë pasur dijeni për veprimet e 40-vjeçares në lidhje me futjen e foshnjës në valixhe dhe fshehjen e saj në dollap.
