Elmas Kalia është 55 vjeçari i cili ditën e sotme ka plagosur me thikë bashkëshorten e tij, Shkëlqime Kalia. Ngjarja e rëndë ka ndodhur në qytetin e Elbasanit, ku sipas policisë autori ka goditur me thikë dhe fqinjin e tyre pasi ky i fundit ka ndërhyrë në momentin që ai po sulmonte bashkëshorten.
Policia ka mbërritur në vendin e ngjarjes dhe është bërë e mundur arrestimi i 55 vjeçarit, ndërsa ngjarja po hetohet.
Njoftimi i policisë:
Elbasan/Informacion paraprak
Në lagjen “Dyle Haxhiri”, Elbasan, shtetasi E. K., 55 vjeç, banues në Elbasan, dyshohet se pas një konflikti për motive të dobëta, ka goditur me mjet prerës bashkëshorten e tij, shtetasen Sh. K., 50 vjeçe, si dhe fqinjin e tyre, shtetasin E. S., 64 vjeç, banues në Elbasan, i cili ka ndërhyrë për të ndaluar shtetasin Elmas Kalia.
Të dy të plagosurit janë transportuar në spital dhe ndodhen jashtë rrezikut për jetën.
Falë reagimit të menjëhershëm nga ana e Policisë është bërë e mundur kapja dhe shoqërimi i autorit të dyshuar, shtetasit E. K., në ambientet e Policisë, për veprime të mëtejshme procedurale.
Grupi hetimor po punon për zbardhjen dhe dokumentimin e plotë të rrethanave të ngjarjes.
