ITALI- Roja bregdetare libiane ka sulmuar me mitraloz një anije peshkimi italiane, që po lundronte në ujërat ndërkombëtare, tha sot kreu i grupit italian të pronarëve të anijeve, Fabio Micalici.
Ai tha se sulmi me sa duket është kryer nga një anije e dhuruar në Libi nga qeveria italiane, raportojnë mediat e huaja.
Micalici, kreu i Federatës Siçiliane të Pronarëve të Anijeve, shpjegoi se anija e peshkimit “Horizonte” po lundronte rreth 150 kilometra në veri të qytetit libian Misrata dhe se u krye një sulm në të cilin anija u dëmtua, por asnjë anëtar i ekuipazhit nuk u dëmtua, raporton Reuters.
Micalici i tha Reuters se varka e peshkimit u dëmtua rëndë nga të shtënat me armë zjarri, dhe konfirmoi se kapiteni kishte pësuar tronditje.
“Ky akt i paprecedentë dhune ka tronditur thellë komunitetin detar sicilian, dhe për këtë kërkojmë një përgjigje vendimtare dhe urgjente nga institucionet italiane dhe ndërkombëtare”, thuhet në deklaratën e Federatës së Pronarëve të Anijeve.
