Specialistët për Hetimin e Krimeve të Komisariatit të Policisë Elbasan raportuan materiale në Prokurori dhe filluan procedurat në gjendje të lirë për një 13-vjeçar.
Rasti ka të bëjë me një incident që ka ndodhur në shkollë, ku gjatë lojërave me bashkëmoshatarë, dyshohet se adoleshenti 13-vjeçar ka goditur me grusht në bark një 14-vjeçar.
I dyti është momentalisht në kujdesin e mjekëve dhe sipas vlerësimit, ndodhet jashtë rrezikut për jetën.
