Ish-drejtori i Teatrit Kombëtar të Greqisë Dhimitris Ligniadhis është arrestuar nga policia pasi akuzohet për abuzim seksual me të mitur.
55 vjeçari dha dorëheqjen nga posti në 5 shkurt pas denoncimeve të shumta ndaj tij për sulme seksuale, të cilat ai i ka mohuar.
Ditën e djeshme një 19 vjeçar deklaroi se Ligniadhis e kishte përdhunuar kur ai ishte 15 vjeç, ndërkohë që Ministria e Kulturës doli me një deklaratë zyrtare ku shprehej se nuk kishte dijeni për këto abuzime që ish-drejtori kishte bërë.
Partitë opozitare greke kanë sulmuar ministren e Kulturës dhe kryeministrin Mitsotakis, të cilin e cilësojnë si një mik të Ligniadhis, ndërsa akuzojnë ministrinë se nuk ka marrë masat në kohë për ta hequr nga puna drejtorin abuzues.
