Teleskopi, i përdorur për të parë merkaton e janarit të Juventusit, duhet të rregullohet. Në përgjithësi të gjithë zgjedhin vizionin afat-mesëm dhe pyesin veten: kush do të jetë numri 9-të i Juventusit në fund të janarit?
Një përgjigje me dy rreshta për ata pak të shpërqendruar: Alvaro Morata dëshiron të shkojë te Barcelona dhe Juventusi, i cili kërkon një zëvendësues, flet me PSG-në për Mauro Icardin, mendon për Edinson Cavanin dhe shumë të tjerë. Nëse e gjen, të gjithë janë të lumtur.
Vizioni afatshkurtër të çon në ndeshjen e të enjtes, ditën e përballjes Juve-Napoli. Bardhezinjtë do të luajë ndeshjen më të rëndësishme të periudhës së fundit dhe është logjike të pyesim, nëse Morata do të ketë mendjen e duhur për të dalë në fushë dhe për të bërë diferencën.
Që nga 29 dhjetori, kur u konkretizua kontakti me Xavin, koka e tij ishte diku tjetër. Alvaro është në grup, ai është mirë, por bën tifo që Juventusi të gjejë një sulmues në vendin e tij sa më shpejt.
Që Juventus dëshiron të investojë për numrin 9 të ardhshëm të tij në verë, kjo dihet. Preferencat janë të njohura, Vlahovic apo Scamacca. Por bardhezinjtë, aktualisht janë në kërkim të një sulmuesi vetëm në formë huazimi.
Mauro Icardi, për shembull, ka qenë gjithmonë një nga të preferuarit e Allegrit. Kontaktet e fundit me PSG-në shërbejnë për të kuptuar nëse mund t’i shpëtojmë ngërçit të vjetër: në orët e fundit asnjë lajm. Juve do të huazonte vetëm Mauriton, pa asnjë detyrim për ta rikthyer, PSG ka thënë “Jo”, edhe sepse në sulm do të qëndronin me Messin, Mbappe dhe Neymar.
Synimi për Cavanin është i ngjashëm dhe me komplikime. United dëshiron të shesë Martialin dhe Edi i ka thënë “Jo” Juventusit në të kaluarën. Të tjerët, Depay dhe Milik kanë më pak gjasa. Gjithsesi, përpjekja për Icardin do të vazhdojë, dialogu me Cavanin do të vazhdojë. Dhe nëse askush nuk bën mirë… Morata është dhe Morata do të jetë…
