Policia e Korçës ka arrestuar një 20 -vjeçar pasi dyshohet se ka dhunuar vëllain e tij 17-vjeç dhë të ëmën.
Sipas policisë mamaja e të riut është pajisur me urdhër mbrojtje.
‘Specialistët për Hetimin e Krimeve të Komisariatit të Policisë Korçë arrestuan në flagrancë shtetasin J. R., 20 vjeç, banues në Korçë, pasi dyshohet se ka ushtruar dhunë ndaj vëllait të tij 17-vjeçar dhe ndaj nënës së tyre, e cila u pajis me urdhër mbrojtjeje.’- njofton policia.
Po ashtu është arrestuar edhe një 37-vjeçar i cili ka shkuar në banesën e ish-bashkjetueses, e cila është pajisur me urdhër mbrojtje.
‘Po këta specialistë referuan materialet në Prokurori dhe po punojnë për kapjen e shtetasit V. P., 37 vjeç, banues në fshatin Çiflig, Korçë, pasi në kundërshtim me vendimin e gjykatës, ka shkuar në banesën e ish-bashkëjetueses së tij, e cila është e pajisur me urdhër mbrojtjeje.’- njofton policia.
