Në mbledhjen e Grupit Parlamentar të PS pak para nisjes së seancës plenare, kryeministri Edi Rama ka udhëzuar deputetët e grupit të tij që të mos replikojnë me opozitën.
Rama u ka kërkuar deputetëve ndër të tjera që të mos bien pre e provokimeve të opozitës në Kuvend, por të fokusohen tek puna.
“Mos u merrni me opozitën. Mos u provokoni dhe mos replikoni. Kini korrektesë në orar dhe mbroni vetëm projektligjet që janë në séance. Fokusohuni tek puna. Mbani marrëdhënie me njerëzit dhe vazhdoni takime në terren. Ne nuk kemi punë me ata”, mësohet të ketë thënë Rama në mbledhje.
Mësohet se gjatë kësaj mbledhje është votuar pro Kryetarit të Grupit Parlamentar, Taulant Balla.
