Infermierja e Spitalit Memorial CHI në Tenesi, i ra të fikët gjatë një konference shtypi menjëherë pasi mori vaksinën e zhvilluar nga Pfizer/BioNTech kundër koronavirusit.
Infermierja Tiffany Dover ishte ndër infermieret e para në Chattanooga, Tenesi, që mori vaksinën. Ajo po jepte një intervistë për shtypin lokal të lajmeve News Channel 9 kur papritmas filloi të ndihej keq.
“Më vjen keq që jam vërtet e trullosur. Më vjen keq … ‘tha ajo para se të binte përtokë ndërsa dy kolegë nxituan ta kapnin.
Më pas infermierja u përmirësua dhe kolegët e saj këmbëngulën se nuk kishte asnjë lidhje me vaksinën.
“Është një reagim që mund të ndodhë shumë shpesh me çdo vaksinë ose injeksion”, tha Dr. Jesse Tucker, Drejtor Mjekësor i mjekësisë së kujdesit kritik në CHI Memorial, i cili gjithashtu mori vaksinën.
