Giovanni Brusca, njeriu i cili, në vitin 1992, ishte ndër autorët e masakrës së Capaci ku u vra gjyqtari Giovanni Falcone në një video të publikuar sot nga Corriere della Sera u ka kërkuar falje të gjithë familjarëve të viktimave të tij.
“Unë reflektova dhe vendosa ta jap këtë intervistë: Nuk e di se ku më çon, çfarë do të ndodhë, thjesht shpresoj të kuptohem.
Vendosa të pajtohem me veten time, sepse ka ardhur koha ta vendos fytyrën time, edhe nëse nuk mundem për arsye sigurie, por është në shpirt dhe në shpirt që lindi qëllimi për ta bërë atë.
Të jem në gjendje të kërkoj falje, falje, për të gjithë të afërmit e viktimave, të cilëve u kam krijuar kaq shumë dhimbje dhe trishtim.
Jam përpjekur (vitet e fundit si bashkëpunëtor i drejtësisë) të jap kontributin tim, sa më shumë që të jetë e mundur, dhe t’u jap një minimum shpjegimi shumë vetave që kërkojnë të vërtetën dhe drejtësinë”, është shprehur Giovanni Brusca për Corriere TV.
“Dhe i kërkoj falje kryesisht djalit dhe gruas time, të cilët vuajtën për kauzën time dhe po paguajnë indirekt edhe për zgjedhjet e mia të jetës: së pari si anëtar mafie, pastaj si bashkëpunëtor i drejtësisë, sepse fatkeqësisht në vendin tonë ata që bashkëpunojnë me drejtësinë janë gjithmonë të denigruar, gjithnjë përçmohet, kur përkundrazi besoj se është një zgjedhje shumë e rëndësishme e jetës, morale, gjyqësore por mbi të gjitha njerëzore. Sepse na lejon t’i japim fund kësaj, “Cosa Nostra”, të cilën unë e quaj një zinxhir vdekjeje, një fabrikë vdekjeje, as më shumë e as më pak. Një agoni e vazhdueshme”, tha Brusca i cili u lirua nga burgu 2 ditë më parë.
