Dyshime për eksploziv, evakuohen banorët e një lagjeje në një nga rrugët më kryesore të qytetit Elbasan.
Një pako e dyshimtë është pikasur pranë koshave të plehrave në afërsi të ‘Kryqëzimit të Dinamos” në këtë qytet.
Për ratin në fjalë është njoftuar policia e cila ka rrethuar zonën përreth duke evakuar banorët dhe njësitë tregtare në të dy anët e rrugës.
Gjithashtu në vendngjarje është dhe reparti zjarrfikës.
Sipas të dhënave nga vendngjarja, bëhet fjalë për një qese brenda së cilës herë pas herë pulson diçka.
Kjo ka rritur dyshimet e policisë e cila ka njoftuar ekspertët antieksploziv.
Pritet ardhja e tyre që të asgjësohet pakoja.
