Gjykata e Tiranës ka lënë në burg Fletur Zanin, 31-vjeçarin i cili u arrestua për shtrëngim me anë të kanosjes për dhënie pasurie.
Zani i ka kërkuar një biznesmeni shumën prej 10 mijë eurosh pasi do t’i gjente një shesh për ndërtimin e një pallati.
Gjatë seancës gjyqësore prokuroria ka kërkuar “arrest me burg” ndërsa vetë i pandehuri ka pranuar kanosjen që ka kryer.
31-vjeçari ka pretenduar se i ka gjetur vendin për ndërtimin e pallatit, por biznesmeni ia ka dhënë një të njohur i të tij për të ndërtuar duke shmangur kështu pagesën që i ka premtuar 31-vjeçarit.
Fletur Zani u arrestua nga policia e Tiranës dy ditë më parë, ndërsa në përfundim të përballjes gjykata vendosi sot të lerë në burg 31 vjeçarin.
