Chelsea fiton ‘Champions League’
Gjermani Kai Haverc ishte heroi i mbrëmjes në “Dragap”, i cili me golin e realizuar në minutën e 42-të, i dhuroi Champions-in e dytë në histori, skuadrës së manjatit rus Abrahmoviç.
Për sa i përket “qytetarëve” të Pep Guardiolës, loja e tyre në këtë finale la për të dëshiruar, duke prodhuar shumë pak, edhe pse ishin ata favoritët në letër të kësaj përballjeje emocionuese.
Një fitore totalisht e merituar për skuadrën e Çelsit. Një fakt interesant që vlen të theksohet është se që nga viti 2000, 8 skuadra kanë dështuar të marrin trofeun e Champions-it në shtëpi kur kanë debutuar për herë të pare në një finale të Ligës së Kampionëve.
FT: MANÇESTER SITIT- ÇELSI 0-1
Haverc 42′
KOMENTI:
90+6′ Mahrez për pak sa nuk gjen rrugën e rrjetës me një gjuajtje në hyrje të zonës! Tentativa e tij shkon ngjitur me shtyllën!
90′ Akordohen 7 minuta shtesë!
80′ Zëvendësim te Çelsi, largohet nga fusha Maunt në lojë Mateo Kovaçiç.
76′ Zëvendësim te Siti, largohet Stërling, vendin e tij e merr Kun Aguero.
73′ Drithërima në portën e Ederson, Çelsi “flirton” me golin e dytë. Shpërton për mrekulli skuadra e Guardiolës. Shans i shkëlqyer i Pulisiç pas kombinimit me Haverc.
68′ Mundësi e mirë për Sitin, vendimtare ndërhyrja e kapitenit të Çelsit, Azpilikueta, që largon një top të rrezikshëm shumë pranë vijës fatale.
66′ Zëvendësim te Çelsi, largohet Verner, vendin e tij e merr Pulisiç.
64′ Zëvendësim te “qytetarët”, Guardiola largon nga loja Bernardo Silvën, vendin e tij e merr Fernandinjo.
60′ Zëvendësim i detyruar te Siti, largohet i dëmtuar, De Bryjn, vendin e tij e merr Gabriel Zhezus.
50′ Mançester Siti kërkon me ngulm golin e barazimit, por mbrohet mirë skuadra e Tuhel që nuk lejon hapësira në prapavijë.
46′ Starton pjesa e dytë, nuk ka ndryshime në formacion!
Mbyllet pjesa e parë!
45′ Akordohen 3 minuta shtesë.
42′ GOOOOOL ÇELSI 0-1/ Zhbllokohet finalja! Haverz kalon në avantazh blutë e Londrës. Shtanget skuadra e Pep Guardiolës.
38′ Zëvendësim i detyruar te Çelsi, largohet nga fusha e lojës Tiago Silva, vendin e tij e merr Andreas Kristensen.
27′ Mundësi e shkëlqyer për Sitin, me anë të Foden, por talenti i qytetarëve nuk arrin të realizojë brenda zonës, teksa neutralizohet nga Rudiger.
20′ Duel mjaft i luftuar, në këtë hark kohor loja është përqëndruar më së tepërmi në mesfushë.
14′ Ndeshje spektakolare, Verner “flirton” me golin e avantazhit. Sulmuesi gjerman humbet një tjetër rast të shkëlqyer. Të pafat blutë e Londrës.
10′ Ndizet sfida, sulme dhe kundërsulme nga të dyja krahët, kërkohet me ngulm goli i avantazhit. Verner shpërdoron një shans të artë.
8′ Situatë e vështirë në portën e Çelsit, Stërling, provon të surprizojë me një gjuajtje me thembër, por topi devijohet në këndore.
5′ Çelsi shfaqet më kërkues në këto minuta të para, duke ushtruar presion të vazhdueshëm në zonën e Sitit. Mbrohet mirë skuadra e Guardiolës.
1′ Starton sfida!
FORMACIONET ZYRTARE:
Mançester Siti: Ederson, Uoker, Dias, Stons, Zinçenko, Gyndoan, De Byjn, Bernardo Silva, Mahrez, Stërling, Foden. Trajner: Pep Guardiola
Çelsi: Mendi, Rudiger, Çiluell, Azpilikueta, Xhejm, Thiago Silva, Kante, Maunt, Zhorzhinjo, Haverc, Verner Trajner: Tomas Tuhel