ANGLI – Gjërat kanë shkuar keq e më keq për Chelsean në javët e fundit. “Blutë” numërojnë vetëm një fitore në njëmbëdhjetë ndeshjet e tyre të fundit në të gjitha kompeticionet. Midis tyre është edhe humbja e Fulhamin, e arritur në derbin e madh të Londrës perëndimore pas 17 vitesh, të enjten mbrëma!
Edhe pse fuçia e zhgënjimit ndaj Chelsean duket se është mbushur, tifozët e ‘Bluve’ duket se kanë ende besim te Graham Potter. Pak orë pas përfundimit të ndeshjes, një pjesë e tifozëve tyre prisnin jashtë fushës trajnerin anglez, për ta brohoritur dhe për t’i dhënë forcë në funksion të vazhdimit.
“Mos hiqni dorë Potter, ne besojmë te ju. Ndryshoni ekipin dhe lojtarët, është faji i tyre”,- janë disa nga frazat që dëgjoheshin teksa Potter po shkonte drejt makinës.
Chelsea fans backing Potter after the game – “Change the squad they are the problem” #CFC 🔵 pic.twitter.com/aIZ5VsipZu
— Pys (@CFCPys) January 12, 2023
