Trembëdhjetë persona kanë vdekur dhe 21 janë zhdukur në përmbytjet e shkaktuara nga reshjet e dendura të shiut në shtetin e Rio Grande do Sul në jug të Brazilit dhe qeveria e atij shteti ka shpallur gjendjen e jashtëzakonshme për t’u përballur në mënyrë më efektive me situatën dramatike.
Guvernatori Eduardo Leite deklaroi se shteti po punon për gjetjen e personave të zhdukur dhe sigurinë e përgjithshme të njerëzve në zonat e kërcënuara, raporton Reuters.
Stuhitë, të cilat shkaktuan më shumë shkatërrime në shtet në vitet e fundit, i detyruan autoritetet të evakuojnë 5,257 njerëz në 134 qytete, konfirmoi shërbimi i mbrojtjes civile në Rio Grande do Sul.
Presidenti brazilian Luiz Inacio Lula da Silva është planifikuar të fluturojë mbi zonat e prekura dhe më pas të takohet me guvernatorin Eduardo Leite më vonë të enjten në Santa Maria, qyteti ku janë raportuar tre vdekje.
Presidenti i Brazilit i premtoi guvernatorit Leite mbrëmë se do të dërgonte aq ushtarë sa të nevojiteshin për të ndihmuar, njoftoi zyra presidenciale.
Presidenti brazilian Luiz Inacio Lula da Silva është planifikuar të fluturojë mbi zonat e prekura dhe më pas të takohet me guvernatorin Eduardo Leite më vonë të enjten në Santa Maria, qyteti ku janë raportuar tre vdekje.
Presidenti i Brazilit i premtoi guvernatorit Leite mbrëmë se do të dërgonte aq ushtarë sa të nevojiteshin për të ndihmuar, njoftoi zyra presidenciale.
