
Në 24 orët e fundit në Kosovë janë shënuar vetëm 10 raste të reja me Covid-19, ndërsa fatmirësisht nuk është shënuar asnjë viktimë.
Sipas Ministrisë së Shëndetësisë, në 24 orët e fundit janë shëruar edhe 16 persona.
Kujtojmë se në këtë vend janë identifikuar 2 raste me variantin e ri Delta.
Njoftimi i plotë i Ministrisë së Shëndetësisë:
Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, informon: Në 24 orët e fundit janë dhënë 13.397 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 219.885 doza të vaksinës. Deri më sot 52.975 qytetarë janë vaksinuar me dozën e dytë. Nga 2.143 testime, 10 qytetarë kanë rezultuar pozitiv me virusin COVID-19. Gjatë 24 orëve të fundit, nuk është shënuar asnjë rast i vdekjes. Sot janë shëruar 16 qytetarë, derisa numri i përgjithshëm i të shëruarve është 105.397. Në total numri i rasteve aktive është 152.