Dalin pamjet filmike. I maskuar dhe me qesen me lekë, grabitësi duke ikur me vrap

0

Dalin pamjet filmike kur njëri nga autorët e grabitjes mëngjesin e sotëm në Tiranë largohet me vrap me qesen me lekë në dorë. Autori ishte i maskuar, ndërsa është fiksuar nga kamerat e bizneseve duke u arratisur me shpejtësi në rrugicat e lagjeve.

Sipas policisë grabitja ndodhi rreth orës 09:05, në rrugën e “Kavajës” në kryqëzimin me rrugën “Mihal Duri”, ku 2 persona ende të paidentifikuar goditën me sende të forta dhe më pas i morën një shumë parash Qani Zilit, 55 vjeç, i cili po transportonte me motor vlera monetare të një pike valute.

Autorët kishin informacion për lëvizjet 55-vjeçarit duke e sulmuar dhe grabitur. Gjithçka ka ndodhur brenda pak sekondave. Grabitësit në largim e sipër braktisën motorin me të cilin po lëviznin dhe u larguan me këmbë nëpër rrugica duke humbur gjurmët.

Pamjet filmike dhe provat e mundshme të lëna në motorin që braktisën mund të çojnë grupin hetimor në gjurmët e grabitësve.

LEAVE A REPLY

Please enter your comment!
Please enter your name here