Detaje të reja janë zbuluar në lidhje me vrasjen e 27-vjeçarit shqiptar të hënën që lamë pas, në ishullin e Mykonos në Greqi. Sipas mediave greke i riu shqiptar punonte në sektorin e ndërtimit dhe vrasje ndodhi pas një zëmke për shkak të mosmarrëveshjeve për lekët.
Hetimet nga autoritetet greke dhe dëshmia e pesë të arrestuarve kanë bërë që të zbulohet se në sherr kanë marr pjesë 12 shqiptarë, të cilët kishin lënë takim për t’u sqaruar në Mykonos.
Agravimi i situatës dhe nxehja e gjakrave bënë që zënka të përfundonte me një viktimë. 27-vjeçari u godit me thikë në zemër dhe ndërroi jetë në vend. Mësohet se ai kishte disa muaj në Mykonos pa dokumente.