Një 48-vjeçar është arrestuar nga Policia e Tiranës, në lidhje me aktet e dhunshme të ushtruara gjatë dy protestave të fundit para godinës së Bashkisë së Tiranës.
Për 48-vjeçarin rëndojnë akuzat “Prishja e qetësisë publike”, “Shkelja e rregullave mbi lëndët plasëse dhe djegëse”, dhe “Shkatërrimi i pronës me zjarr”.
Molotovi i hedhur nga protestuesit e opozitës drejt uniformave blu para Bashkisë së Tiranës nuk mungoi as në protestën e fundit të Rithemelimit dhe Partisë së Lirisë.
Flakët shpërthyen në të dy hyrjet e godinës ndërsa një polic humbi ndjenjat.
Ekspertët e konsideruan sheshin para bashkisë skenë krimi ndërsa punonjësit e pastrimit nisën heqjen e mbetjeve.
