Dikur miq sot armiq, Braho mesazh Presidentit: Të përshëndes Ilir Meta, ke thënë varri…

0

Spartak Braho dhe Ilir Meta dikur ishin shumë miq dhe tashmë janë armiq shumë të fortë, sidomos tashmë që mazhoranca është gati të votojë shkarkimin e Presidentit, me seancën që është caktuar në datë 9 qershor.

Mbrëmjen e sotme, i ftuar në “Frontline”, deputeti socialist Braho i ka dërguar një mesazh Presidentit Meta, teksa i rikujtoi se dikur i kishte thënë që vetëm varri do t’i ndajë por që u sëmur shumë shpejt në cilësi.

Ndër të tjera, Braho thotë se e ka mbështetur Metën në fillimet e tij pasi i dukej një i ri që e donte Shqipërinë, duke shtuar se ata zgjodhën të iknin nga PS për shkak të Fatos Nanos por jo për tu bashkuar me Sali Berishën më pas.

“Të përshëndes Ilir Meta dhe mbaj mend se ke thënë se ne të dyve varri na ndan. Ky njeri pa karakter më krahason mua me Sulo Gradecin, që është personazh shumë pozitiv, partizan, skraparlli i devotshëm dhe sa herë atakohej me Metën, i thoshte bëj për Skraparin, bëj rrugën e Çepanit, të Malit të Tomorit. Rrugët e Gjirit të Lalëzit i ka bërë, por të Skraparit nuk i ka bërë. Ndoshta takohemi në atë botë dhe do ia kthej siç duhet.

Unë nuk e kam tradhtuar Ilir Metën. Është miqësi politike e hershme, unë jam themelues i PS, më pas erdhi, e kam mbështetur, sepse ishte i ri, gjykoja se Shqipërinë e donte, traditat i donte, por u sëmur shumë shpejt në cilësi. Por, vura re edhe cilësi të tjera që lidhen me karakterin. Ne ikëm nga PS si reaksion ndaj Nanos, por jo për të shkuar me Sali Berishën. Kam thënë në Konventën Kombëtare, zoti Meta po shkëputemi nga PS që të mos ketë krizë vendit, por i kam thënë se Sali Berisha ngelet deri në fund Berishë, ka duartrokitur atëherë. Na mblodhi kundër së majtës dhe shkoi pas qerres së Dritan Priftit”, tha Braho.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu