Presidentja e Kosovës Vjosa Osmani i ka dorëzuar sot Medaljen Presidenciale për Sundimin e Ligjit për Beau Biden, djalin e ndjerë të presidentit amerikan Joe Biden.
Ambasadori amerikan në Kosovë, Philip Kosnett, ka pranuar medaljen presidenciale që i është dhënë djalit të ndjerë të Joe Biden.
Beau Biden punoi në Kosovë pas luftës së viteve 1998-1999 ndaj forcave ushtarake serbe, dhe së bashku me Organizatën për Siguri dhe Bashkëpunim në Evropë ka kontribuar në trajnimin e prokurorëve dhe gjyqtarëve vendorë.
