Nëntorin e vitit të kaluar, Drake surprizoi shqiptarët, i cili u shfaq i veshur me një xhaketë të kuqe, që ka të qëndisur mbrapa shqiponjën e zezë dykrenare, në videoklipin e këngë “Polar Oposites”.
Mesa duket reperi kanadez ka një vend të veçantë në zemrën e tij për Shqipërinë pasi në një prej koncerteve të tij të fundit, Drake ka përshëndetur të gjithë shqiptarët.
Një video është bërë menjëherë virale në rrjetet sociale, pasi një përdoruese e TikTok, ka publikuar një video të koncertit të artistit dhe sigurisht ajo ka mundur të regjistrojë një nga momentet më të vecanta të koncertit, kur ai përshëndet shqiptarët.
“Oh po, përshëndes shqiptarët”, dëgjohet të thotë Drake në videon e tij, teksa një nga fanset e tij, mban në dorë flamurin shqiptar.
Ngjarja ka ndodhur në UBS Arena në New York, ditën e enjte, në një prej koncerteve të Drake, i cili momentalisht është në turneun muzikor, “It’s All a Blur”.
