Historia e Arbër Likajt u spikat veçanërisht mes dhjetëra burrave që vijnë nga Afrika apo Evropa Lindore për të kontrabanduar kokainë të pastërtisë së lartë dhe droga sintetike me postë dhe pako të fshehura në valixhe.
Gjatë viteve të fundit, burra të kombësive si Nigeria, migrantë të përkushtuar ndaj biznesit të batanijeve, të vendosur në dhoma të vogla pensionesh, përfunduan para gjykatave për çështjet penale ekonomike si kontrabandistë për dërgimin e pakove në Correo Argentino me drogë të cilësisë së lartë. Likaj ishte ndryshe.
Me origjinë nga Elbasani, inxhinier kompjuterash, Arbëri ishte vendosur në Buenos Aires para 10 vitesh në një apartament bashkë me bashkatdhetarë të tjerë.
Megjithatë, Arbri nuk kishte një aktivitet të regjistruar në AFIP, një punëdhënës, një kompani që do t’i jepte një punë, çfarëdo qoftë.
Me sa duket ai kishte ardhur për të bërë diçka tjetër. Një çështje penale e datës 2013 e shpalli atë si të kërkuar në Regjistrin Kombëtar të Recidivizmit, pasi u mor me transport droge.
Historia e tij përfundoi në mars 2021. Pasi u kap, Arbëri u dënua përfundimisht më 26 shkurt, pasi pranoi fajin dhe ra dakord për një gjyq të shkurtuar me prokurorin. Dënimi ishte katër vjet e dhjetë muaj.
Sot Arbri kërkon të shkojë në shtëpi. Ai bëri një ankim para drejtësisë, duke kërkuar paraprakisht largimin, një burim ligjor që lejon një të huaj të dënuar në Argjentinë të dëbohet në vendin e tij të origjinës me kushtin e moskthimit.
Likaj pretendoi në gjykatë që fëmijët dhe gruaja e tij kishin kancer në fazë të avancuar.
Pretendimi i Likajt ishte dramatik: Kam 2 fëmijë të mitur, gruaja e sëmure kujdeset financiarisht për ata të dy, që po ashtu kanë kancer.
Do i heqin gjoksin nga komplikacionet që ka dhe është rëndë psikologjikisht.
