Janë arrestuar në Shkodër dy persona që akuzohen për shpordërim detyre dhe kultivim drogë. Agjencia e Mbikëqyrjes Policore bën me dije se është vënë në pranga një 70-vjeçar përkatësisht me detyrë kryeplak në zonën Pepsumaj. 70-vjeçari Ndue Fiku akuzohet për veprat “Kultivim i bimëve narkotike“ dhe “Shpërdorim të detyrës“. Ndërkohë në pranga ka rënë edhe një 31-vjeçar Mark Fiku për kultivim droge, djali i kryeplakut.
AMP njofton:
Agjencia e Mbikëqyrjes Policore (Rajoni Shkodër-Lezhë) ekzekutoi urdhrin e prokurorit mbi vendimin penal të Gjykatës së Shkallës së Parë të Juridiksionit Përgjithshëm Shkodër për caktimin e masës së sigurimit personal “Arrest në burg”, në bazë të hetimeve të thelluara nga AMP-ja, në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Shkodër, në funksion të hetimit të procedimit penal të vitit 2023, regjistruar për veprat penale “Kultivimi i bimëve narkotike” dhe “Shpërdorimi i detyrës”.
Sa më sipër, Agjencia e Mbikëqyrjes Policore ka bërë të mundur dokumentimin me prova ligjore të përfshirjes në këtë aktivitet kriminal të kultivimit të bimëve narkotike nga shtetasit:
– N. F., 70 vjeç, me detyrë Kryeplak i zonës Pepsumaj, i dyshuar për kryerjen e veprës penale të “Kultivimit të bimëve narkotike“ dhe “Shpërdorimit të detyrës“.
– M. F., 31 vjeç, i dyshuar për kryerjen e veprës penale të “Kultivimit të bimëve narkotike” në bashkëpunim.
