Një ngjarje e rëndë ka ndodhur në Attiki në Greqi, ku dy vajza të mitura janë droguar dhe përdhunuar nga dy djem.
Mediat greke bëjnë me dije se dy djem të moshës 19 dhe 24 vjeç (vëllezër), shtetas të huaj kanë përdhunuar dhe kanë droguar dy vajza të mitura (kushërira).
Vajzat kanë qenë në një park kur djemtë u janë afruar dhe u kanë ofruar pije alkoolike. Vajzat më pas të dehura kanë shkuar pas vëllezërve. Ata i kanë dërguar të miturat në një hotel, ku i kanë droguar dhe më pas i kanë përdhunuar.
Bëhet me dije se 19-vjeçari ka tërhequr zvarrë dhe ka përdhunuar një 15-vjeçare në tualet, ndërsa vëllai i tij ka përdhunuar vajzën tjetër në dhomë.
Vajzat kur kanë mbërritur në shtëpi kanë rrëfyer gjithçka dhe kanë bërë denoncimin në polici. Të miturat iu janë nënshtruan ekzaminimeve mjekësore. Mjekët zbuluan se vajza 15-vjeçare, e cila u përdhunua, kishte dëmtime në zonën gjenitale.
Policia është në kërkim të autorëve.
