Një automjet luksoz u dogj në orët e para të mëngjesit të ditës së sotme në bregdetin e Vlorës.
Djegia e ”Audit R8 mori vëmendjen e të gjitha mediave, dhe mesa duket pas kësaj ngjarje qendron një marrëdhënie sentimentale e prishur.
Polica ka nisur hetimet dhe nga kqyrja e kamerave shihet se një person me kapuç ka lyer me benzinë automjetin e shqiptarit-maqedonas, Burim Zyberi, dhe më pas i ka vënë flakën. E çuditshme është se automjeti tjetër luksoz, i parkuar pranë Audit nuk është dëmtuar fare. Automjeti tip “Porche” është i vëllait të Burimit.
Shqiptarja.com raporton se grupi i hetimit pranë policisë së Vlorës, që po merret me këtë çështje thotë se ngjarja është e qëllimshme dhe se pista ku po e hetohet është se ngjarja dyshohet të jetë iniciuar nga ish-e dashura e Burim Zyberi.
Një lidhje sentimentale me një femër lidhje kjo që tashmë është prishur, thonë burimet policore, dyshohet se qëndron pas djegies së qëllimshme të automjetit luksoz.