Branimir Reljić nga Ljig i Serbisë e ka përcaktuar vitin se kur do të largohet nga kjo botë.
Në pllakën e tyre përkujtimore, të cilën gruaja e tij Grana dhe ai personalisht e ndërtuan gjatë jetës së tyre, kanë shkruar vitin e saktë të vdekjes. Ata kanë bërë një llogaritje e pazakontë duke përdorur predispozitat gjenetike të paraardhësve të Branimirit.
“Të gjithë paraardhësit e mi kanë jetuar nga 83 deri në 88 vjet, në bazë të kësaj unë duhet të jetoj edhe katër vjet të tjera. Unë nuk e detyrova gruan time, e pyeta nëse donte apo jo, duke pasur parasysh se kemi më shumë se gjysmë shekulli të martuar, edhe pse ajo është gjashtë vjet më e vogël, sipas përllogaritjes time do të jetë tre vjet e ve. Dhe që llogaritja ime të mos jetë e gabuar, ja një shembull i pastër, vëllai im vdiq në moshën 84-vjeçare, vetëm pak ditë para ditëlindjes së tij,” tha Branimir Reljić për mediat serbe.
Ndër të tjera thekson se nuk është i frikësuar nga vdekja dhe se është diçka që duhet të ndodhë, është e natyrshme që njerëzit të lindin dhe të vdesin.
Dhe në pyetjen nëse do të trembet nëse llogaritja e tij nuk është e saktë, nëse do të ndryshojë mbishkrimin në tabelë, ai përgjigjet:
“Nëse Zoti vendos të vonohet me thirrjen, nuk do ta ndryshoj datën e vdekjes në pllakë, është dhuratë e Zotit. Shumë u ankuan pse po e shkruaj këtë, thashë se ishte vullneti im. Ia shtova përmendores me fjalë të shkruara “prehu në paqe Boban me familjen”.
