Ditën e sotme u aludua se aktorja e njohur, tanimë edhe deputetja Adriana Matoshi ka marrë pjesë në seancat Parlamentare e prekur me Covid-19.
I menjëhershëm ka qenë reagimi i Matoshit e cila ka sqaruar të vërtetën që fshihet pas kësaj nëpërmjet një postimi në Facebook.
Akorja i mohoi tërësisht këto aludime duke theksuar që kjo është një tendencë për të penguar formimin e institucioneve të shtetit dhe këtë e dëshmoi duke publikuar një test serologjik të datës 2 prill, ku tregonte se nuk kishte qenë e prekur me koronavirus.
“Është e turpshme dhe e paprecedant lufta dhe përpjekjet e disa qarqeve për të dëmtuar procesin e formimit të institucioneve të Kosovës, qoftë edhe me spekulimet mbi gjendjen shëndetsore timen. Nuk është hera e parë që më sulmojnë, por gjithashtu nuk do të jetë hera e parë që mundohen të më nënshtrojnë. Ja, urdhëroni e shikoni, vlerësoni dhe dëshprohuni nga rezultati i testit tim”, ka shkruar ajo.
Matoshi, e cila ka qenë kandidate për deputete nga radhët e Lëvizjes Vetëvendosje ka marrë 10 mijë e 403 vota në zgjedhjet e 14 shkurtit.
Kështu, ajo ka lënë pas me vota dhe deputetë të njohur të kësaj partie si Xhelal Sveçla, Salih Zyba, Fatmire Kollçaku, Dimal Bash dhe Fitore Pacolli.
