Aktorja e njohur amerikane, e njohur për rolet e saj në “Night Court”, “The Fall Guy”, “Hearts Afire”, Markie Post ka ndërruar jetë në moshën 70-vjeçare.
Lajmi për vdekjen e saj u konfirmua nga menaxherja e aktores, Ellen Lubin Sanitsky, e cila dha një deklaratë nga familja e zonjës Post duke thënë se shkaku i vdekjes ishte kanceri.
Rolet e saj të para të aktrimit ishin në vitin 1979, me paraqitjet në episodet e “CHiPs” , “Barnaby Jones”, “The Incredible Hulk”, “The Lazarus Syndrome”, “Buck Rogers”.
Më vonë, Markie u shfaq në seri të tjera, si në “The Love Boat”, “Cheers”, “Fantasy Island” dhe “The A-Team”.
Karriera e saj zgjati katër dekada dhe kishte vazhduar filmimin për gati katër vite pas diagnozës së saj fillestare të kancerit, dhe gjatë kësaj kohe trajtohej me kimioterapi.
“Krenaria jonë është se kush ishte ajo përveç aktrimit; një person që bëri ëmbëlsira të shijshme për miqtë, qepi perde për apartamentet dhe na tregoi se si të jemi të sjellshëm, të dashur dhe falës në një botë shpesh të ashpër, “tha familja e saj në një deklaratë.
Post ka lënë pas bashkëshortin e saj, shkrimtarin Michael A. Ross; vajzat, aktorja Kate Armstrong Ross dhe Daisy Schoenborn; dhëndrin Bryce Schoenborn dhe mbesën e saj dhe Michael pesë muajshe.
