Kryeministri Edi Rama ka mbërritur pak minuta më parë në selinë rozë, ku duket i qetë dhe i relaksuar, ku pas numërimit të 90% të votave në rang vendi, partia e tij e sheh veten fituese të mandatit të tretë, e paprecedentë kjo në historinë e tranzicionit shqiptar.
Teksa hyn brenda në seli, Rama u ngre gishtin e madh gazetarëve të pranishëm, për tiu thënë se gjithçka po shkon mirë dhe si duhet.
Në rang vendi projeksionet e deritanishme janë PS 73 mandate, PD 59 mandate, LSI 5 mandate dhe PSD 3 mandate.
Situata në 12 qarqet e vendit:
Në Kukës numërimi i votave ka përfunduar, PD merr 2 mandate, PS merr 1 mandat
Në Dibër numërimi i votave ka përfunduar, PD ka marrë 3 mandate , PS ka marrë 2 mandate
Në Shkodër mbeten ende 5 kuti për tu numëruar, PD ka marrë 5 mandate, PS 3, PSD 2 dhe LSI 1, sipas projeksioneve të deritanishme
Në Lezhë kanë mbëtur dhe 2 kuti për tu numëruar, PS merr 4 mandate , PS merr 3 mandate
Në Elbasan janë numëruar të gjitha kutitë e votimit, PS merr 8 mandate, PD merr 6 mandate, ndërkohë që socialistët pretendojnë se sipas kalkulimeve të tyre mund të sigurojnë mandatin e 9-të, për shkak të disa pretendimeve për parregullsi
Në Korçë numërimi po shkon drejt fundit, sipas projeksioneve të deritanishme PS ka marrë 6 mandate , PD ka marrë 5 mandate
Në Berat ka pasur një garë të fortë në momentet e fundit , ku PS i ka rrëmbyer mandatin LSI-së. Projeksioni final është PS 5 mandate, PD 2 mandate, LSI asnjë mandat deri tani
Në Gjirokastër ka përfunduar numërimi i votave, ku PS ka marrë 3 mandate dhe PD 1 mandat
Në Vlorë numërimi ka përfunduar PS ka marrë 8 mandate, PD ka marrë 4 mandate
Në Fier kanë mbetur dhe dy kuti pa u përllogaritur nga KQZ, PS 9 mandate, PD 6 mandate dhe LSI 1 mandat
Në Durrës kanë mbetur ende më shumë se 100 kuti pa u numëruar, projeksionet e deritanishme flasin për PS 7 mandate , PD 6 mandate dhe LSI 1 mandat
Në Tiranë mbetet për tu numëruar dhe më pak se 400 kuti votimi, ku projeksionet e deritanishme janë PS 18 mandate, PD 15 mandate, LSI 2 mandate dhe PSD 1 mandat.
