Policia kishte ndaluar 26-vjeçaren duke drejtuar mjetin e saj Audi në mënyrë të pakontrolluar.
Një llogaritare në Angli ka vrarë vetëm tre ditë pasi ishte kapur nga policia duke drejtuar mjetin nën influencën e alkoolit, u tha sot në seancën dëgjimore të çështjes.
Marina Watters, 26 vjeçe u gjet pa jetë në shtëpinë e saj nga policia në Norfolk në verilindje të vendit, pas shqetësimeve se nuk ishte paraqitur në punë.
Tre ditë para tragjedisë së prillit Marina ishte akuzuar se drejtonte mjetin e dehur, dhe pritej të dilte para gjyqit një muaj më vonë.
Në seancë u tha se Marina, gjate qëndrimit në paraburgim ishte njohur me konsulentin e policisë David Howes që kishte bere vlerësimin e shëndetit mendor të vajzës.
Howes tha: “Ajo u përfshi me pyetësorin dhe dha përgjigjet e kërkuara. Ishte e penduar, e përlotur dhe i vinte keq për gabimin.
“Nuk bënte fjalë për vetëvrasje apo vetëlëndim. Ishte vetëm e shqetësuar që mund mund të merrte makinën për të shkuar në punë apo për të vizituar gjyshërit, për t’i ndihmuar me pazarin”.
Pas lirimit Marinës i ishin dhënë adresat e agjencive që mund t’i jepnin ndihmë per çështjet e problemit mendor.
Por mjekja ligjore Samantha Goward shtoi: “Marina Watters vdiq nga varja e qëllimshme, ndoshta prej efektit të drogave si ketamine, teksa qëllimet e saj të sakta nuk janë të ditura”.
Pas vdekjes familja e Marina e përshkruante atë si “ajo që mbante lidhur rrethet shoqërore” dhe që ëndërronte të bëhej një llogaritare e çertifikuar.
Vëllai i saj Michael ‘Mikey’ Watters tha: “Ajo ishte gjithçka për mua, shkëmbi ku mbështetesha. Nuk e di si do të bëj përpara pa të”.
Mikey gjithashtu nxiste të gjithë ata që kishin probleme mendore të shpreheshin dhe të kërkonin ndihmë.
