Një aksident u regjistrua pak çaste më parë në rrugën “Rinia“ e njohur si “Rruga me blina“ në afërsi të shkollës “Qamil Guranjaku”.
Dy automjete, një Pezho dhe një Volkswagen janë përplasur mes tyre. Si pasojë e kësaj përplasje kanë pësuar tronditje por pa dëmtime drejtuesit e mjeteve.
Ndërkohë në këtë segment rrugor është shkaktuar trafik për shkak të bllokimit të rrugës.
Në vendngjarje shkoi policia e cila ka kryer veprimet proceduriale për të përcaktuar shkaqet e kësaj përplasje. Sipas të dhënave të para, një nga automjetet i ka prerë rrugën mjetit tjetër.