Një aksident i rëndë ka ndodhur pak çaste më parë në rrugën “Adria” tek Ura e Dajlanit në Durrës në lagjen nr.5, Durrës.
Sipas policisë, nga ky aksident ka mbetur i plagosur rëndë një 65-vjeçar i cili për momentin ndodhet nën kujdesin e mjekëve.
I plagosuri ka qenë duke lëvizur me një motor kur është përplasur nga një makinë me drejtues H.P
Njoftimi i policisë:
Më datë 09.10.2020, rreth orës 09:55, në lagjen nr.5, Durrës, mjeti tip “Ford”, me drejtues shtetasin H.P., është përplasur me një motomjet me drejtues një shtetas ende të paidentifikuar rreth 65 vjeç, i cili është dërguar në spital nën kujdesin e mjekëve.
Drejtuesi i mjetit është shoqëruar në ambjentet e Policisë për veprime të mëtejshme.
Grupi hetimor ndodhet në vendngjarje dhe po punon për zbardhjen e ngjarjes.
Pamjet ekskluzive për infoelbasani.com dëshmojnë se aksidenti sapo ka ndodhur dhe ende në vendngjarje nuk ka mbërritur policia. Infoelbasani.com