“Unë jam polic”. Kështu u shpreh paraditen e djeshme Klisman Nikolli, 27 vjeç, një shqiptar, që u paraqit para gjyqtarit të ngarkuar me vlerësimin e legjitimitetit të arrestimit të tre të dyshuarve për grabitjet e dyshuara të kryera nga data 30 tetor deri më 15 nëntor në Veneto dhe Friuli.
Burime ekskluzive për Infoweb Media informojnë se Nikolli u bllokua nga karabinierët e Kompanisë Portogruaro teksa do të kthehej në Shqipëri. Në dhomën e Bed & Breakfast në San Stino di Livenza, ku ai qëndronte së bashku me Viktor Bilani, 30 vjeç dhe Flor Koca, 35 vjeç, valixhet tashmë ishin të mbushura. Të tre prisnin një grua nga zona e cila do t’i merrte dhe do t’i shoqëronte deri në aeroport.
Të tre dyshohen për 18 vjedhje dhe tentativa vjedhjesh në Portogruaro, Concordia Sagittaria, Musile di Piave dhe San Michele al Tagliamento. Gjatë bastisjeve ka pasur dy në Azzano (dy tentativa) dhe po aq në dy shtëpi në Chions, ku janë vjedhur 2000 euro dhe në një shtëpi tjetër 9000 euro dhe disa orë. Të mbrojtur nga avokatet Ilenia Mehilli të Gjykatës së Romës dhe Pasquale Crea të Trevisos, dje kanë shfrytëzuar të drejtën për të mos u përgjigjur. Gjyqtari hetues Rodolfo Piccin pranoi kërkesën e zv. prokurorit Carmelo Barbaro duke aplikuar për secilin prej të dyshuarve masën e sigurisë në burg, masë kjo e bazuar në rrezikun e arratisjes dhe në indikacionet e rënda që i referohen pesë vjedhjeve.
Banda, sipas asaj që u rikonstruktua nga hetuesit e Armës, vepronte mes orës 17.30 dhe 19. Pas një vjedhjeje të kryer në San Michele, kapet një BMË e dyshimtë, e lidhur me goditje të tjera. Pasi u identifikua targa, ushtarët zbulojnë se ajo kishte si “terminus” një “Bed & Breakfast”, ku Nikolli, Bilani dhe Koca ishin regjistruar të rregullt.
Një BMW lëviste çdo ditë nga San Stino dhe ndalonte pikërisht aty ku më pas raportohen vjedhjet. Të tre u ndoqën gjithashtu gjatë një udhëtimi në Lombardi, fillimisht në Opera dhe më pas në Cinisello Balsamo, një vend nga i cili u kthyen me një Ford Mondeo të regjistruar, por që përdorej nga një i dënuar. Nga hetimet e mëtejshme rezultoi se akomodimi në San Stino ishte rezervuar për një muaj nga një grua italiane nga zona. Të tre duhej të dilnin nga dhoma në fund të nëntorit.
KAPJA
Më 16 nëntor, një banor i guximshëm i Musile di Piave parandalon vjedhjen në shtëpinë e tij dhe ndjek hajdutët. “Ishin dy prej tyre – raportojë te karabinierët –. I pashë të hipnin në një Mondeo: në sediljen e shoferit ishte një njeri i tretë». Të nesërmen, gruaja që kujdesej për akomodimin, njofton B&B se qëndrimi do të ndërpritet: të tre po largohen. Pikërisht në atë moment prokurori i Pordenones delegon kontrollin që mundësoi kapjen e tyre.
