Presidenti i Turqisë, Rexhep Taip Erdogan, do të zhvillojë nesër një vizitë zyrtare në Tiranë ku në epiqendër të kësaj vizite është inagurimi i Xhamisë së Namazgjasë.
Infoweb Media zbulon axhendën e kësaj vizite të rëndësishme:
Rreth orës 11:30 – 11:40 të zhvillohet ceremonia e pritjes së Presidentit Turk Erdogan. Ceremonia do të zhvillohet tek Presidenca dhe Kryeministria. Fillimisht në Presidencë e pastaj në Kryeministri.
11:40 – 12:40 të dy liderët do të kenë një takim koke me koke ndërsa më pas vijon:
12:40 – 13:40
Mbledhja e Këshillit të Bashkerendimit të Nivelit të Lartë.
13:40 – 14:00
Ceremonia e firmosjes së marrëveshjeve.
14:00 – 14:30
Konferenca për shtyp.
16:30 – 17:30
Ceremonia e inaugurimit të Xhamisë.
Një ditë më parë KMSH njoftoi se të enjten pritët të hapet Xhamia e Madhe e Tiranës.
Ja njoftimi i tyre i plotë:
Të dashur motra dhe vëllezër, Komuniteti Mysliman i Shqipërisë ka kënaqësinë t’ju njoftojë për evenimentin e madh që do të mbahet ditën e enjte në Tiranë, siç është inaugurimi i Xhamisë së Namazgjasë.
Kjo xhami është një ëndërr e kahershme e popullit shqiptar, e cila u bë e mundur falë bujarisë së popullit vëlla turk dhe insistimit të Presidentit të Republikës së Turqisë, SH.T.Z, Recep Tayyip Erdoğan. Po ashtu Xhamia e madhe e Namazgjasë nuk do ishte bërë sot realitet pa mbështetjen e madhe administrative po edhe financiare të Qeverisë Shqiptare, që falë vullnetit të Kryeministrit Edi Rama i hapi rrugë konsolidimit të pronësisë sonë mbi truallin e Namazgjasë.
Presidenti Erdoğan dhe Kryeministri Rama do të jenë të pranishëm personalisht në cenermoninë e inaugurimit, në të cilën Komuniteti Mysliman i Shqipërisë do të përfaqësohet nga Myftiu i Tiranës, z. Gazment Teqja, i cili do të jetë gjithashtu edhe kreu i bordit të fondacionit të përbashkët, mes KMSH dhe palës tjetër, që do të administrojë Xhaminë e Namazgjasë më tej.
Ne falenderojmë popullin turk dhe presidentin Erdoğan, si edhe kryeministrin e Shqipërisë që bënë të mundur realizimin e kësaj ëndrre të besimtarëve myslimanë shqiptarë. Këtu veçojmë gjithashtu ndërveprimin e shkëlqyer të qeverisë shqiptare dhe asaj turke, ndërveprim i cili ka qenë deçiziv në realizimin e kësaj vepre madhështore për popullin dhe kryeqytetin shqiptar. Një falenderim vëllazëror u shkon të gjithë atyre që e ndërtuan Xhaminë tonë të Madhe me mendjet e duart e tyre të arta.
Xhamia nuk do të jetë thjeshtë një vendfalje, por një kompleks multifunksional që do t’u shërbejë edhe qytetarëve të tjerë, sikurse edhe turistëve.
Falenderojmë Zotin që bëri të mundur arritjen e kësaj dite të shënuar!
Inaugurimi i Xhamisë së Namazgjasë do të bëhet ditën e enjte, 10 tetor 2024. Infoweb Media
