Erdogan sulmon kampin e refugjatëve në Irak, ka të vdekur

0

Të paktën tre persona janë vrarë dhe disa të tjerë janë plagosur  pas një sulmi ajror në një kamp ku ndodhen mijëra refugjatë kurdë në veri të Irakut.

Ky sulm ajror u krye vetëm tre ditë pasi presidenti turk, Rexhep Erdogan, e paralajmëroi Irakun se Turqia do ta “pastrojë” një kamp refugjatësh që, sipas tij, është bërë si parajsë për militantët kurdë.

Një zyrtar irakian i sigurisë, ka thënë për mediat se një sulm ajror ka lënë të vdekur e të lënduar në kamp, por nuk dha hollësi rreth këtij rasti.

Ndryshe, forcat turke i kanë shtuar sulmet ndaj bazave të Partisë së Punëtorëve të Kurdistanit në veri të Irakut vitin e kaluar, duke i përqendruar sulmet në një rrip territori prej 30 kilometrash brenda Irakut.

Qeveria turke e cilëson Partinë e Punëtorëve të Kurdistanit si organizatë terroriste. Si e tillë kjo parti vlerësohet edhe nga Shtetet e Bashkuara dhe Bashkimi Evropian.

LEAVE A REPLY

Please enter your comment!
Please enter your name here