Fenomeni i vetëdëmtimit tek adoleshentët po njeh një rritje shqetësuese kohët e fundit. Të dhënat tregojnë se në shumë raste, të rinjtë dëmtojnë veten si pasojë e presioneve që përjetojnë në mjedisin ku jetojnë dhe veprojnë. Shkolla, një hapësirë që duhet të ofrojë siguri dhe mbështetje, shpesh shndërrohet në një ambient të pasigurt, ku ngacmimet dhe bullizmi nga bashkëmoshatarët janë të shpeshta.
Në këtë situatë të ndërlikuar, psikologët dhe ekspertët e fushës theksojnë nevojën për një bashkëpunim të ngushtë mes tri hallkave kryesore që ndikojnë në zhvillimin emocional të fëmijës: prindit, fëmijës dhe mësuesit.
Në një apel të drejtpërdrejtë ndaj prindërve, psikologia Hoxha nënvizon rëndësinë e komunikimit të hapur, mbështetjes emocionale dhe krijimit të një mjedisi të sigurt brenda familjes, ku fëmijët të ndihen të dëgjuar dhe të pranuar.
Lufta kundër këtij fenomeni kërkon jo vetëm ndërgjegjësim, por edhe bashkëveprim të strukturuar dhe të qëndrueshëm mes familjes, shkollës dhe institucioneve që kujdesen për mirëqenien e fëmijëve.
Infoweb Media
