INDI- Pothuajse një muaj pas arrestimit në Shqipëri, biznesmeni indian Nitin Mishra ka biseduar me familjen e tij. Timesofindia raporton se motra e tij e madhe Naina Mishra ka biseduar me të në WhatsApp për 30 sekonda, gjatë së cilës vëllai i saj i tha asaj se ai nuk kishte ende akses konsullor dhe nuk ishte në dijeni të akuzave që i ishin ngarkuar. Ai as nuk e dinte se ku mbahej aktualisht në Shqipëri. Naina tha se vëllait të saj dyshohet se i kishin shërbyer mish viçi në vakt.
“Kur u përpoqa të bëja më shumë pyetje dhe të flisja, telefonata u ndërpre,” tha ajo.
Ajo shtoi se nuk kanë marrë ende ndonjë përgjigje të mëtejshme nga ambasada, e cila së fundi kishte thënë se do t’i dërgonin një kërkesë Ministrisë së Jashtme shqiptare duke kërkuar detaje për arrestimin e Nitin Mishra, dhe kërkuan qasje konsullore për të më 7 nëntor.
Familja e biznesmeni kishte takuar Ministrin e Mbrojtjes, Rajnath Singh, i cili është deputet i Lucknow, në Delhi duke kërkuar ndërhyrje nga qeveria indiane dhe një përfaqësim të drejtë për të më 5 nëntor. Avokati me bazë në Mbretërinë e Bashkuar, Harjot Singh, i cili ka trajtuar çështjen, tha se ata po kërkonin për avokatët vendas shqiptarë dhe së shpejti do të sigurojë që ai të ketë përfaqësim.
Nitin u arrestua për herë të parë në Tiranë më 14 tetor, me akuzën e trafikut të drogës. Policia shqiptare raportohet se ka vepruar në koordinim me Administratën Amerikane të Zbatimit të Drogës (DEA). Ai është dërguar në paraburgim nga policia në pritje të ekstradimit të tij të mundshëm në SHBA. Familja mori vesh për arrestimin e tij përmes një gazete.
