Hakerat iranianë kanë publikuar 1000 llogari bankare të qytetarëve shqiptarë, korporatave dhe shoqërive shqiptare me të dhëna sensitive, përfshi edhe shumën e parave të depozituara.
Databaza e publikuar prej grupit të hakerave “Homeland Justice” përmban 1,000 llogari bankare, me emrin përkatës, numrin serial, shumën e depozituar, numrin e telefonit, adresën dhe degën e bankës.
Kjo nuk është hera e parë që hakerat e HomelandJustice publikojnë të dhëna mbi qytetarët shqiptarë, pasi kujtojmë se më parë janë publikuar të dhënat mbi zyrtarë të ndryshëm si ish-kreu i SHISH dhe drejtorin e Përgjithshëm të Policisë Muhamet Rrumbullaku, si dhe udhëtimet me avion të kryeministrit Rama. Dhe duket se do vazhdojnë me publikime të tjera.
