Ditën e djeshme ndodhi një ngjarje tragjike, e cila tronditi gjithë qytetin e Gramshit.
Një fëmijë 6-vjeçar humbi jetën pas shpërthimit të një granate te vjetër, ndërsa shoku i tij 5-vjeçar u plagos shumë rëndë.
Granatën e vjetër dy të miturit e gjetën në një banesë të vjetër të braktisur, por nuk dihet nëse ajo ka qenë aty apo e kanë sjellë shirat e rrëmbyer që përfshinë zonën e Gramshit dy ditë më parë. Fëmijët sapo kanë gjetur granatën e vjetër kanë nisur të luajnë duke e goditur me sqepar.
Pasi shpërtheu, 6-vjeçari nuk i ka mbijetuar dot plagëve kurse 5- vjeçari tjetër është dërguar fillimisht në spitalin e Gramshit, më pas te Trauma.
Ngjarja e ndodhur në fshatin Siman, i cili ndodhet dy orë e gjysmë nga qyteti i Gramshit dhe nuk ka as rrugë.
Ndërkohë theksohet se familjet e dy fëmijëve jetojnë në kushte të vështira ekonomike.
