Në Greqi është shënuar sot një tjetër rekord me raste të reja. Autoritetet shëndetësore kanë njoftuar se në 24 orët e fundit janë konfirmuar 2448 raste me të infektuar.
Numri i përgjithshëm i rasteve ka shkuar 52254 , nga të cilat 54.4% janë burra.
Nga të dhënat bëhet me dije se 493 raste u identifikuan në Atikë , 683 në Selanik, 120 në Larisa.
Në 24 orët e fundit 14 persona nuk kanë mundur të fitojnë betejën me virusin e rrezikshëm, duke e çuar numrin e viktimave në 715 që nga fillimi i pandemisë.
Kryeministri grek Kyriakos Mitsotakis njoftoi dje mbylljen e vendit që do të zgjasë për tre javë.
