7 persona kanë humbur jetën në Britaninë e Madhe nga mpiksje të pazakonta të gjakut, pas marrjes së vaksinës Oxford-AstraZenca, ka konfirmuar për BCC Agjencia Britanike e Medikamenteve (MHRA).
Ndërkohë që 30 persona, nga 18 milion të vaksinuar deri më 24 mars, kanë raportuar mpiksje gjaku.
Ende nuk është e qartë nëse këto raste të mpiksjes së gjakut janë thjesht rastësi apo efekt anësor i vaksinës.
MHRA thotë se përfitimet e vaksinës tejkalojnë çdo rrezik. Sidoqoftë, shqetësimi ka bërë vendet e tjera përfshirë Gjermaninë, Francën, Holandën dhe Kanadanë të kufizojnë përdorimin e vaksinës vetëm për të moshuarit.
Hetimet për të përcaktuar nëse AstraZeneca po shkakton mpiksje të rrallë gjaku vijojnë, ndërkohë që Agjencia Europiane e Barnave (EMA) ka deklaruar se nuk ka prova që kjo është e vërtetë.
