Kjo foto po bën xhiron e rrjetit me shpejtësi.
Presidenti i Francës, Emmanuel Macron tenton t’i japë një përqafim presidentit ukrainas, Volodymyr Zelensky. Por ky i fundit shfaqet shumë i akullt.
Momenti i çuditshëm u bë viral gjatë konferencës ku tre liderët e BE-së vizituan Kievin.
Por përse ky moment i ftohtë? Macron dënoi luftën barbare të Rusisë, por tha se i takon Ukrainës që të vendosë për lëshimet territoriale ndaj Moskës.
A ishte kjo arsyeja se pse Zelensky u zemërua?
Sipas Daily Mail, arsyeja e vërtetë lidhet me një deklaratë të Macron para disa ditësh. Presidenti francez tha se Rusia nuk duhet ‘poshtëruar’, ndërsa i bëri thirrje Ukrainës që të negociojë me Putinin.
Ky qëndrim i akullt i presidentit ukrainas është në kontrast të fortë me ngrohtësinë dhe entuziazmin me të cilin ai priti zyrtarët nga SHBA dhe Britania e Madhe.
