Një grua nga Gjakova ka raportuar në polici se vëllai i ka kërkuar të holla për të blerë narkotikë, raporton Express.
Rasti ka ndodhur mëngjesin e së dielës në Gjakovë, ka bërë të ditur Policia e Kosovës në intervalin kohor prej 24 orësh.
Policia ka shkuar në vendin e ngjarjes, por nuk ka arritur ta gjejë të dyshuarin.
“Gjakovë 02.05.2021 – 08:30. Qytetarja nga Gjakova denoncon se vëllai i saj i kishte kërkuar të holla për të blerë lëndë narkotike pasi që dyshohet se është konsumues i tyre.
Njësitë relevante policore kanë arritur në vendin e ngjarjes mirëpo nuk kanë arritur që ta gjejnë të dyshuarin. Viktima nuk ka pranuar trajtim mjekësor. Lidhur me rastin është njoftuar prokurori dhe rasti vazhdon të hetohet”, njofton policia.