Patronazhistët janë tema kryesore në Shqipëri prej ditësh. Edhe aktori i humorit Rezart Veleshnja ka reaguar I revoltuar mbi këtë temë.
Veleshnja ka thënë se ndonëse vota e tij në zgjedhjet e 25 prillit do të shkonte për Partinë Socialiste, nuk do ta votojë pasi kjo e fundit ka cënuar privatësinë e tij.
“Më në fund pash databazën dhe më kishin kontrolluar çdo gjë timen, kunata, nga ka ardhur, nga vjen, kishte hyrë në familjen time, do votojë për PS, i ati ka dalë në pension.
Njëherë e përgjithmonë, sa të kem jetën, për këta njerëz që mua më kanë bërë këtë gjë, që më kanë kontrolluar jetën dhe çojnë dhe informacione që është i sigurt ky që do votojë për ty, nuk e kanë votën vetëm nga kjo gjë.
Unë për PS isha me thënë të drejtën, do ta hidhja votën pas shumë vitesh, nuk do ta jap më, vetëm për këtë patronazhistin”, tha Rezart Veleshnja.
