Presidenti i vendit Ilir Meta ka firmosur shkarkimin e kryeministrit Edi Rama nga posti që mbante si ministër për Europën dhe Punët e Jashtme dhe ka dekretuar emërimin e Olta Xhaçkës në këtë pozicion.
Kjo e fundit është dekretuar në postin e ministres për Europën dhe Punët e Jashtme, ndërsa në vendin e saj në Ministrinë e Mbrojtjes, Meta ka dekretuar emërimin e Niko Peleshit, i cili rikthehet në qerveri pas disa vitesh mungesë.
Njoftim i Institucionit të Presidentit të Republikës:
Presidenti i Republikës, Sh.T.Z Ilir Meta ka dekretuar sot shkarkimin e zotit Edi Rama nga detyra e ministrit për Europën dhe Punët e Jashtme dhe zonjës Olta Xhaçka nga detyra e ministrit të Mbrojtjes.
Po sot, Presidenti Meta ka dekretuar emërimin e zonjës Olta Xhaçka në detyrën e ministrit për Europën dhe Punët e Jashtme dhe zotit Niko Peleshi në detyrën e ministrit të Mbrojtjes.
